Суздальская летопись по Лаврентьевскому списку:

В лѣт̑ . ҂s҃ . х҃ . ѳı҃ . [6619 (1111)] Идоша веснѣ на Половцѣ . Ст҃ополкъ . Володимеръ . Дв҃дъ . и дошедше Воинѧ и воротишасѧ В лѣт̑ . ҂s҃ . | х҃ . к҃ . [6620 (1112)] Идоша на Половцѣ . Ст҃ополкъ . Ӕрославъ . Всеволодъ. Володимеръ . Ст҃ославъ . Ӕрополкъ . Мстиславъ . Дв҃дъ . Ст҃ославичь . с сн҃мъ Ростиславом̑ . Ѡлговичь. Дв҃дъ . Игоревичь . и доидоша града Ѡсенева . и Сугрова . вземше вежѣ Половечскъıѣ . и бишасѧ с Половци . на Салнѣ рѣцѣ . мс̑ца . марта . въ . к҃д . дн҃ь. и побѣдиша Половцѣ Русскии кнѧзиТогож̑ мс̑ца . въ . к҃г . престависѧ єпс̑пъ Черниговьскъıи Іѡа