Суздальская летопись:

В лѣт̑ .҂s҃.ѿ.ч҃. [6890 (1382)] мс̑ца авгүс̑ . дı҃ . кнз҃ю великомү Дмитрею Ивановичю родисѧ сн҃ъ кн҃зь Ѡндрѣи . и крести єго Федоръ игүменъ Симановъскыи . того же лѣта цр҃ь Токтамышъ приде ратью на великого кнз҃ѧ Дмитреѧ Ивановича . и на всю Рүс̑скүю землю . и то слышавъ кнз҃ь велїкыи Дмитреи Ивановичь что самъ цр҃ь идеть на него, со всею силою своєю . и не ста на бои противү ємү . ни поднѧ рүки на цр҃ѧ . но поѣха въ свои град Костромү . Цр҃ь же перешед Ѡкү взѧ град Серпоховъ . и посємъ Москвү . авгүс̑ . г҃ı . и посла Татары и взѧ град̑ Переӕславль . ида взадь, взѧ град Коломнү .