Супрасльская летопись:

B лЂто 6918 [1410]. Приде из Царяграда Фотеи митрополить, поставлень на всю Рускую землю, родомь гречинь. Поставлень патрияръхомь Матфеимь при цари Мануиле, и приде на Москву при великомь князи Васили Дмитриевичь на Великь день. Того жь лЂта приставися С князь Володимер АндрЂевичь месяца мая во 14 день. Того жь лЂта князь Данило Борисовичь Нижьнего Новъгорода и c татары взя столни город Володимер и чюдотвореную икону святыя Богородици, злато обраша, ина многа зла сотворися. Того жь лЂта постави Фотеи митрополить епископа на Резань Сергия Озакова и потомь c месяць постави епископа на Коломну, игумена ярославского.Ha ту осень бысть побоище королу Ягаилу, именемь Владиславу, и князю великому Витовту Кестутевичь c немьци и c пруси во Прусъкои земли, межи городы Дубровны и Остреда. И убиша мистра и маршалка, и кундуры побиша, и всю силу их немецкую побиша, и грады немецькыя пограбиша, но толко три грады не дашася королу Витовту . И бысть тои осени ходиша на три побоища c немьци ляхом и лихве, но немЂць избиша, a во въсих побоищех много кресщань падота и литвы и ляхов. A стояша под Маръинымь городомь 8 недель и взяша Марина города два охобня, a вышнего не взяша, и ходиша по Немецькои земли по другои на десять недели.