Псковская вторая летопись:

В лето 6988. Князь велики Иван Васильевич приеха в Великыи Новгород с многыми бояры, декабря 2, и псковичи послаша 5 посадников, Кузму Сысоева, Ивана и Зиновия, Иакова Кротова и Кюра, и по боярину ис конца, и везоша в дар 65 роублов. И Приехаша посадники в Псков от князя великого, декабря 30 день, Дмитрии Давыдович да Семеон. И при после князя великого пригнавшее Немци, месяца генваря 1, и взяша изгоном Вышегород, а мужи и жены и дети овых в плен поведоша и овых иссекоша, а город зажгоша. И никым же гоними, разве божиею силою свыше, вскоре от града побегоша не своими дорогами, многая своя вещи пометавшее; и тако разблоудишася по лесом.