Псковская летопись:

Того же месяца 20, на память святого пророка Самоила, придоша местер с всей силою своею к Пскову, и сташа станом на Завеличком поли, и псковичи сами зажгоша Завеличья; а на другой день приехаша юрьевцы в снеках, в 13, и сташа за Стефаном святым на Лоугоу станом. И почаша поусками шибати на Запсковья и на Полонища и с иным многым замышлением, и лезоша оусердно к Запсковью, подъезгая оу снеках, и поушками шибаша и с иным замышлением многым. И псковичам бог помогаша, и снеки оу Немцы отъяша; и Немцы прочь отбегоша