Новгородская летопись:

В лЂто 6916 [1408]. Прииха в Новъгород князь Костянтинъ Дмитриевич от брата своего от великого князя Василья на намЂстьничьство. Поби владыка Иоанн святыи СофЂи свинцом, а маковицю болшюю златоверху устрои. Тои же зимы прииде Едегии, тесть ШадЂбЂга цесаря татарьскаго, ратью со многою силою к МосквЂ, мЂсяца ноября въ 23 день, и стоя под Москвою самъ цесарь, а вои свои роспусти на Рускую землю. И взяша город Переяславль, Ростовъ, Нижнии Новъгород, Серпоховъ, и много христианъ посЂкоша, а иных в полонъ сведоша, и воеваша и до Клина, до тфЂрьскаго рубежа, а все крестианъ сЂкуще, аки траву, а с города Москвы взяша окупа 3 тысяцЂ рублевъ; и идуще из Рускои землЂ, взяша город Рязань.