Московская летопись:

С города ж видяху полочане и из острога многие полки и люди, лезуща на ону страну Двины реки, и у Бориса и Глеба видяху на монастыре и около монастыря полки, многие люди, и начаша стреляти м города и из острогу на монастырь и по Двине реке, которые люди идут за Двину реку, изо многово пушечново наряду, и убиша в Двине реке боярского человека и с лошадью. Многие же пушечные ядра летаху на монастырь, и в сени перед пеколню межю дворян государьских паде ядро, и через царев и великого князя полк многи ядра падоша, яко дождь; Божиим же наступлением и Пречистыя Богородица и великих (sic) молитвами, в церкве, и великого князя полку, и в воеводских полкех из наряду не убиша ни какова человека. Повеле же царь и великии князь того дни от своего полку поставити наряд, и стрелецким головам стрелцы стати и законатися у Двины реки в березех и на ост(р)ову. И царевы и великого князя пушкари и стрелцы из наряду с острогу пушкарей збили и литовских людей многих побили в остроге. А воеводы левые руки и Сторожевово полку и с нарядом воеводы пришли к Полотцску того ж дни, в неделю, января в 31 день, ввечеру, и стали по своим местом: левые руки полк стал против Духовских ворот на Себежской дороге, а Сторожевой полк стал у Плоские Лужи, противу Богоявленьского взвоза, а с нарядом с болшим стали воеводы меж Георгия святого и Волова озера.