Летопись по типографскому списку:

В лѣто 6981 , сентября 12, преставися благовѣрный христолюбивый князь Георгий Васильевичь во градѣ Москвѣ в день суботный, и положиша в церкви святаго архаггела Михаила. Тое же осени священна бысть црьковь святаго Иоанна Предтечи в Ростовѣ у Пречистые на дворцѣ, октября 25. Тое же осени приведоша невѣсту великому князю Ивану Васильевичи из Риму, Софию именемъ, Фомы деспотая Морскаго дщерь, и тъй бо Фома бѣже отъ Турскаго царя в Римъ. И оженися ею князь великый, и вѣнча ихъ Филиппъ митрополить въ градѣ Москвѣ, в церкви святыя Богородица, ноября 12.