Летопись по Типографскому списку:

В лѣто 6994, мѣсяца сентября въ 8 день, прииде князь великый Иванъ Васильевичь и съ своимъ сыномъ, с великимъ княземъ Иваномъ Ивановичемъ, и с своею братьею и с воеводы, съ всѣми силами подъ городъ Тверь и обьступи градъ. Того же лѣта, июля въ 4, преставися благовѣрнаа великаа княгини Марья, мати великого князя Ивана Васильевича, нареченнаа въ мнишескомъ чину инока Марфа, и положена бысть в церкви у Възнесениа на Москвѣ.