Лаврентьевская летопись:

В лѣт̑ .҂s҃ . х҃ . н҃з . [6657 (1149)] Иде Изѧславъ Новугороду ис Къıѥва . в помочь Новгородцем̑ на Гюргѧ . а воєм̑ повелѣ по собѣ ити . и поидоша по нем̑ . и похромоша кони оу них̑ . исам̑ с Новгородци дошедъ Волгъı. и повоѥвавъ ю и не оуспѣ ничтоже Гюргеви . и дошед̑ Оуглеча полѧ поворотисѧ Новугороду . и иде Смолиньску. изимова ту . и наставши веснѣ . приде Изѧславъ Къıѥву. и ради бъıша людьє . токмо дьӕволъ сѣтоваше. вложибо нѣкоторъıм̑ мужем̑ В ѥго в срд̑це . и начаша гл҃ти ѥму З рекуще . ӕко Ростиславъ Г Гюргевичь подмолвил̑ на тѧ люди . и Берендичи и Киӕнъı . а хотѣлъ сѣсти Къıєвѣ . а пусти и къ ѡц҃ю то твои ворогъ и ѡц҃ь ѥго. держиши и 2 на свою голову . Изѧслав же послушавъ ихъ . ѿима оу него имѣньє. и ѡружьє и конѣ . идружину ѥго исковавъ расточи . а Ростислава всади в лодью толико самого ли четверта пусти и къ ѡц҃ю . и прищед̑ къ ѡц҃ю Ростиславъ . сказа ѥму В всѧ приключьшаӕсѧ ѥму А. и слъıшавъѡц҃ь Б ѥго сжалиси река 3. тако ли мнѣ нѣту причастьӕ в земли Русстѣи . и моим̑ дѣтемъ . и совкупивъ дружину свою и воѣ и Половцѣ . надѣӕсѧ на Ба҃ . и поиде мс̑ца иоулѧ . въ . к҃д . и пришедшю ѥму къ Вьӕханю . и приде к нему А Ѡлговичь . и Всеволодичь . ѡба Ст҃ослава . с дружиною рекуща поиди брате . то нам̑ ворогъ всѣмъ . и брата нашего үбилъ . и пришедше сташа оу Бѣлъı Вежѣ . и стоӕша мс̑ць . сжидаюша к собѣ Половець . и ѿ Изѧслава покореньӕ . и видѣвше ѡже нѣту ѿ Изѧслава ни вѣсти В. Изѧславъ же слъıшавъ посла по брата Смолиньску. и Володимеру Гюрги же реч̑ . поидем̑ к Переӕславлю . ту ти ѥму А прити . да неглитупокоритсѧ . и прише|дше и сташа оу Куднова сельца . иперешедше Стрѧковь . Володимеру сущю в засадѣ Переӕславли. брату Изѧславлю . и Ӕрополку Г Мстиславичю . с Поршанъı . и стрѣлѧющим̑сѧ ѡбоимъ . во тъж̑ дн҃ь приде Изѧславъ слъıшавъпришедшаго Гюргѧ . и реч̑ ѡже бъı пришєлъ сам̑ толико з дѣтми . то котораӕ бъı ѥму волость люба . ту же бъı взѧл̑ . но же на мѧ привелъ Половци . и ворогъı моѣ Ѡлговичѣ . то хочю сѧ бити . Къıӕном̑ же не хотѧщим̑ . гл҃щимъ мирисѧ кнѧже мъı не идем̑ . ѡнъ же реч̑ акомиръ будет̑ поидѣте со мною . атъ ми сѧ будет̑ добро ѿ силъı мирити . и придоша Къıӕне . и приде к нему Изѧславъ Дв҃двичь в помочь . и стоӕ Гюрги . . г҃ . дн҃и . и в третии дн҃ь исполчивъсѧ по зорѣ . поиде ѿ Стрѧкве мимо городъ . и ста межи валома . Изѧслав же въıправисѧ весь из города . и ста на болоньи и с товаръı . за ѡгородъı . и бъıвшю на оутрьӕ . Изѧслав же ѿслушавъ ѡбѣдню . ү стаг̑ Михаила . поиде Изѧславъ ис цр҃кви къ Єфимью єпс̑пу слезъı проливающю. гл҃щю ѥму кнѧже смирисѧ с строємъсвоим̑ . много спс̑ньӕ приимеши ѿ Ба҃ . и землю свою избавишь ѿ великъıӕ бѣдъı . ѡн же не всхотѣ надѣӕсѧ на множ̑ство вои . гл҃ѧ добъıлъ ѥсмъ го[ло]вою Д своєю Къıєва . и Переӕславлѧ . и поиде противу ѥму . Гюргеви стоѧщю за Ӕнъчиномъ селцем̑ . и стоӕша противу собѣ до вечерни . и поступи Гюрги вспѧть . и Изѧславъ по нем̑ . ӕко сл҃нцю заходѧщю сступишасѧ ѡбои . и бъıс̑ сѣча зла . ипервѣѥпобѣгоша Поршане. потом̑ Изѧславъ Дв҃двичь . по сих̑ Къıӕне . и Переӕславци . и многъı избиша . а другъıӕ руками изъимаша . Изѧслав же перебреде на Каневъ . толико сам̑ третии . и иде г Къıѥву . се же бъıс̑ мс̑ца 8. августа въ 9 . к҃г . дн҃ь во вторник̑ . а наоутриѧ вниде Гюрги в Переӕславль . хвалѧ . и славѧ Ба҃ . и пребъıвъ . г҃ . дн҃и . иде Къıѥву. а Изѧславъ събравъсѧ с женою и з дѣтми . бѣжа Лучьску. а Гюрги вниде Е в Къıѥвъ . хвалѧ и славѧ Ба҃ . и сѣде на столѣ дѣдни . и ѡтни . а Ростиславу да сн҃о|ви своѥмуПереӕславль