Лаврентьевская летопись:

В то же лѣт̑. посла кнѧзь Мстиславъ брат̑ю свою на Кривичѣ . четъıрми пути . Вѧчеслава ис Турова . Андрѣӕ из Володимерѧ . а Всеволодка из Городна . и Вѧчеслава Ӕрославича исъ Кльчьска. тѣмь повелѣ ити къ Изѧславлю . а Всеволоду Ѡлговичю повелѣ ити с своєю брат̑ѥю на Стрѣжевъ Д к Борисову . и Ивана Воитѣшича туже посла с Торкъı . и сн҃а своѥго Изѧслава ис Курьска . с своим̑ полком̑ посла и на Логожескъ . а другаго сн҃а своѥго Рости[сла]ва Е посла с Смолнѧнъı . на Дрьютескъ . рекъ имъ в одинъ дн҃ь всѣм̑ пустити на воропъ . мс̑ца. авгус̑ . въ . д҃ . дн҃ь. Изѧслав же оускори дн҃емъ передъ братьєю . и заӕ люди ѿ города . ѡни же оустрашившесѧ передашасѧ . аЖ Изѧславци почаша битисѧ . с Вѧчеславомъ и съ Андрѣємъ . Изѧслав же перестрѧпъ два дн҃и оу Логожьска . иде пакъı[И]зѧславлю З къ стръıєма своима . водѧ с собою и Брѧчислава зѧтѧ своѥго .