Ипатьевская летопись:

В лѣт̑ ҂s҃ . х҃ ѯ҃ s҃ . Нача рать замъıшлѧти Изѧславъ Двд҃вичь на Дюргѧ и примири и к собѣРостислава Мьстиславича и Мьстислава Изѧславича и Ст҃ослава Ѡлговича подъмолвивашеть к собѣ въстати на Гюргѧ. Ст҃славъ же реч̑ хрс̑тъ есмь цѣловалъ к нему а не могу без винъı на нь въстати и не ӕсѧ ему и сложи Изѧславъ путь с Ростиславомъ и со Мьстиславомъ на Гюргѧ и пусти Ростиславъ Романа сн҃а своего с полкомъ своимъ а Мъстиславъ поиде из Володимирѧ Изѧславу же хотѧщю поити ко Киеву и во тъ дн҃ь приѣхаша къ Изѧславу Киӕне рекуче поѣди кн҃же Киеву Гюргити оумерлъ ѡнъ же прослезивъсѧ и руцѣ А въздѣвъ к Бу҃ и реч̑ блгс̑нъ еси Ги҃ ѡже мѧ еси росудилъ с нимъ . смр҃ть а не кровопролитьемъ пивъ бо Гюрги въ ѡсменика оу Петрилавъ тъ дн҃ь на ночь разболѣсѧ и бъıс̑болести его е҃ дн҃ии и престависѧ Киевѣ . Гюрги Володимиричькн҃зь Киевьскъıи мс̑ца маӕ въ еı҃ въ среду на ночь а заоутра в четвергъ положиша оу манастъıри ст҃го Сп҃са и много зла створисѧ въ тъ дн҃ь розграбиша дворъ его краснъıи и другъıи дворъ его за Днѣпромъ . разъграбиша егоже звашеть самъ Раемъ и Василковъ дворъ сн҃а его разграбиша в городѣ избивахутьСуждалци по городомъ и по селомъа товаръ ихъ грабѧче